Wari uziko umuntu ashobora kwinjira muri smartphone yawe aciye mu butumwa bugufi?

Ikigo gishinzwe umutekano w’ikoranabuhanga cyitwa Zimperium cyatangaje ko hari inenge yagaragaye muri porogaramu ya Android ikoreshwa muri telefoni zo mu bwoko bwa Smartphone, iyi nenge ikaba ishobora gutuma umuntu yinjira mu mabanga ari muri telefoni anyuze mu butumwa bugufi.

Zimperium yavuze ko smartphone zigera kuri miliyoni 950 zikoresha android 

zishobora kwibasirwa nab a rushimusi (hackers) bakoresheje ubutumwa 

bw’amashusho (MMS) bakajya bakoresha telefoni yawe kandi wowe nturabukwe.

Aba hackers ngo bashobora kukoherereza MMS ikoze mu buryo iyo ikugezeho ihita 

ijya muri telefoni yawe bitabaye ngombwa ko ubyemeza, na bo bagahita baboneraho 

guhisha mu mashusho ari muri telefoni yawe porogaramu zizajya zibafasha kumenya 

ibiyikorerwaho byose.

Iki kibazo kikaba gishobora kuba kuri smartphone ikoresha Android 2.2 kugeza ku 

ikoresha Android 5.1 Lollipop.

ibi byose birashoboka kuri telephone zikoresha android

Iyo telefoni yawe yamaze kwakira iyi MMS aba hackers bashobora gukora ibintu 

bitandukanye birimo kwiba ibyo ibitse (data), kumenya ibiri kuyikorerwaho byose,

 gufungura webcam, micro, ndetse no gusoma ubutumwa buri kuri e-mail. Ibi byose 

bigakorwa nyirayo ntacyo arabutswe.

Joshua Drake, umwe mu bashakashatsi bakora muri Zimperium yabwiye Forbes ko 

iki kibazo bakibonye muri Mata 2015 bakakigeza kuri Google, ari na yo ikora 

Android ndetse bakanabereka uburyo gishobora gukemuka abantu bajyanisha n’igihe 

android zayo (Updates).

Kugira ngo iki kibazo gikemuke ariko ntibyoroshye kuko Google Atari yo icunga 

uburyo updates zikorwa, ahubwo bikorwa n’ibigo bikora amatelefoni, kuri telefoni 

zimaze umwaka n’amezi 6 ho bikaba bitoroshye ko iki kibazo gikemuka.

Uko wakwirinda kugerwaho n’iki kibazo

Mu gihe ugitegereje gushyira update muri smartphone yawe, ushobora kwirinda 

kwakira ubu butumwa ujya ahandikirwa ubutumwa bugufi ugahitamo 

“settings”,”SMS/MMS”, “MMS”, “Auto-retrieve” ugahitamo ko ubutumwa bwose 

bw’amashusho bugomba kujya muri telefoni yawe ari uko ubanje kubyemeza.

Iki kibazo kandi kirareba n’abakoresha uburyo bwo kohererezanya ubutumwa bugufi 

bukoreshwa na Android buzwi nka Hangout.